വേർപ്പെട്ടു പോയതിന്റെ കാരണങ്ങൾക്ക്
ചിലപ്പോഴൊന്നും പറയാനുണ്ടാവില്ല.....
വിട്ടു പോകുന്ന വഴികളിൽ
മൗനം മാത്രം
അപ്പോഴും കലഹിക്കുന്നുണ്ടാവാം ..
പ്രളയം പോലെ പരന്നു പൊങ്ങുന്നൊരു
പിൻ നടത്തത്തിൽ
ഉള്ളിൽ അടക്കിയതും കുടഞ്ഞതുമെല്ലാം
കലങ്ങിമറിയുന്നുണ്ടാവാം..
ചിലപ്പോഴതിൽ മുങ്ങി, ശ്വാസം നിലച്ച്
ആഴത്തിലേക്കെന്ന് തോന്നിയേക്കാം ..
എങ്കിലുമെങ്കിലും,
ഒരിക്കൽ പടർന്ന സ്നേഹത്തിന്റെ
വേരറ്റമെങ്കിലും
ഈ കടപുഴകലിൽ കാൺകെ
ഒരു നീർത്തുള്ളി കണ്ണിൽ
ഒരു നിമിഷം
തിളങ്ങി നിന്നേക്കാം ...

നിശബ്ദമായി നിറയുന്ന തടാകം പോലെ
ചലനമുണ്ടാകാതെ,
മറ്റൊരറ്റം തേടി തുഴഞ്ഞുപോകുന്ന
നീ പടർത്തുന്ന നിസംഗത
ഏറ്റവുമാഴത്തിലേക്ക്
എന്നെ എറിഞ്ഞു കൊടുക്കുമ്പോൾ,
പിന്നിട്ടുപോയ വിശ്വാസങ്ങളുടെ
ഒരു തുഴയും എന്റെ കൈയകലത്തിലേക്ക് കൂട്ടുവരുന്നില്ലല്ലോ...

Comments

Post a Comment

Popular posts from this blog

നീ പിടിച്ച ഉള്ളം കൈയിൽ

നീ പിടിച്ച ഉള്ളം കൈയിൽ നമുക്കു മാത്രമറിയുന്നൊരു ഭാഷയുണ്ടായിരുന്നു വിരലിനാൽ നീ കോറിയിട്ട കാലങ്ങളെ ഞാൻ ഗ്രീഷ്മത്തിനപ്പുറം വർഷമായും അതിന്റെ തളിർത്തലപ്പിനെ വസന്തമായും വായിച്ചു. പൊരുന്നയിരുന്ന വേദനകളെല്ലാം വിരലനക്കത്തിൽ മാഞ്ഞു പോകുന്ന മാന്ത്രികതയായി ... വിരൽത്തുമ്പിനാൽ നനഞ്ഞു മിണ്ടിയ വാക്കിനറ്റങ്ങളെ പരൽ മീനായറിഞ്ഞ ഞരമ്പുകൾ നീലച്ചിറക് വിടർത്തി .... പിടഞ്ഞു മാറണമെന്നു തോന്നിക്കാതെ ചിറകിനടിയിൽ ചേർത്തുവയ്ക്കുന്ന സ്നേഹമേ ... ജീവൻ നൃത്തം വയ്ക്കുന്ന വിരൽതാളത്തിൽ നിന്നുമാറി ഞാൻ പിരിഞ്ഞു പോകുവതെങ്ങനെ?
Read more

വരകൾ

മണ്ണിൽ പുതഞ്ഞ രണ്ട് വിത്തുകൾക്കുമുകളിൽ കാട് വരക്കുന്നു. ഇലപ്പച്ചകൾകൾക്കിടയിൽ കിളികളെ വരക്കുന്നു. പൂവിനൊപ്പം കാറ്റിനെ, വെയിലിനൊപ്പം മഴയേയും. വെളിച്ചത്തിൻ്റെയും ഇരുട്ടിൻ്റെയും നൂലുകൾചേർത്ത് കാടിന് വർണ്ണശബളമായ അലുക്കുകളുണ്ടാക്കുന്നു. കാടിനുള്ളിൽ ആമ്പൽപൂക്കൾ നിറഞ്ഞൊരു തടാകം വരക്കുന്നു, മരങ്ങൾക്കിടയിൽ അനായാസേന കാണാനാവത്തത്, അവിടെയെത്തുമ്പോൾ മാത്രം പൂക്കൾക്ക്  മുകളിൽ നിറങ്ങളുടെ ഭാഷയെഴുതിയ ശലഭച്ചിറകുകൾ വരക്കുന്നു. ചിലപ്പോൾ മുകളിൽ കനത്തുമൂടിയ ആകാശത്തിന് കീഴിലെ നിശ്ചലമായ തടാകംപോലെ കണ്ണുകൾ  വരക്കുന്നു, ഉള്ളിൽ കടൽ ഒളിപ്പിച്ചത്. ചില നേരത്ത് തെളിനീലവാനത്തിനൊപ്പം ചിറകുകളും. പേരിട്ടു വിളിക്കാനാവാത്ത നേരങ്ങളുടെ മാനത്ത് നിലാവു വരക്കാതെങ്ങനെ? ചുളുങ്ങിപ്പോയൊരു നെറ്റിയിൽ നനുത്തൊരുമ്മ വരയ്ക്കുന്നുണ്ട് വിറയാർന്ന വിരലുകളാൽ പിന്നെയും. ഒരിക്കലും വരച്ചുതീരാത്ത ചിത്രങ്ങളുടെ പ്രദർശനശാലയ്ക്ക് തോന്നലുകളുടെ മ്യൂസിയം എന്ന് പേരിട്ടതാരാണ്? നമ്മിലൊരാൾ ചായങ്ങളഴിച്ചു വെക്കുംവരെ വരയുന്ന ചിത്രങ്ങൾ, ഓർമ്മകളുടെ മ്യൂസിയമെന്ന് എന്നെങ്കിലുമൊരിക്കൽ തിരുത്തിവായിച്ചേക്കാവുന്...
Read more

ഏകാന്തതയുടെ നിഴലുകൾ

ഏകാന്തതയുടെ നിഴലുകൾ കണ്ടിട്ടുണ്ടോ? എപ്പോൾ വേണമെങ്കിലും ഉപേക്ഷിക്കപ്പെടാവുന്ന കുഞ്ഞുങ്ങളുടേതെന്ന പോലെ വിഹ്വലമായ ഒരിടർച്ചയിലേക്ക് അത് ചരിഞ്ഞു കിടപ്പുണ്ടാകും. വെയിൽ വെട്ടങ്ങളിൽ നിന്നൊഴിഞ്ഞു മാറി, ഒരു പക്ഷേ, തണൽ തേടിയാവണം തേടാതെയാവണം അതൊരിരുണ്ട പക്ഷിയുടെ ചിറകുകളെ മാത്രം സ്വപ്നം കാണുന്നുണ്ടാവും മുറിവുകളുടെ ആഴത്തെ നേർത്ത ഇരുളു കൊണ്ട് മറച്ച് സമയപ്പകർച്ചയറിയാതെ ഞാനില്ലാതെ നീയില്ലല്ലോ എന്ന് ഓർമ്മപ്പെടുത്തി അത് രൂപത്തിനെ എപ്പോഴും ചേർത്തു പിടിച്ചിട്ടുണ്ടാകും എന്തുകൊണ്ടെന്നാൽ ഏകാന്തത അത്രമേൽ ഏകാന്തമെന്ന് അതിനോട് മാത്രം മന്ത്രിച്ചതാണ്
Read more